Dear 東東,
妳就好啦，有得調整，無得 chat 好唔方便喎，妳幾時整返好呀？
^&&***&
無咩心機寫評論喇呢幾日，奧巴馬好多內閣都係克林頓舊人，出年最少應該唔會衰得咁快既，但係而家好多人無野做，已經燒到埋身，人心惶惶，我都好擔心
妳閉關既生活真令人羨慕，不過我暫時都仲過得幾開心，我住果度好有人情味，過左一個好愉快既感恩節
妳老豆就識講囉，只要唔打仗，衰在我地仲打緊呢，五千億打伊拉克呀大佬，唔係都唔使搞到咁啦，唉，呢啲報應黎，食幾多著幾多整定，我淨係最唔捨得要我呀
Nancy 捱窮，佢上年開始病以黎，照呢樣照果樣，又手術又留醫，睇親醫生都千千聲，佢如果再唔掂，我都唔知點好，又唔想放棄，但係打針死呢，個魂魄就唔知去左邊架喇，佢今世受咁多皮肉之苦，佢如果可以捱到最後一口氣，來生會好啲架喇，佢唔舒服陣時，我夜晚攬住佢訓，佢係咁係度呻吟，令我第二日打坐觀想時突然眼前就見到人生痛苦，係咁流眼淚喇，但係仲打緊坐架噃，唔係真係喊架噃，果種滋味，真係非常奇怪，永遠唔會忘記
原來胡蘭成係自來犬？哎呀真係好乖呀，咁佢女友而家住係邊呀？喺妳其他鄰居度？妳知道，佢呢啲狗係出面捱過苦，而家有一口安樂茶飯食，有人愛錫，性情都會變得溫馴好多，易養啲，妳真係有福氣
比兩張 Nancy 相妳睇，我搵工，佢就攝入張凳彼面，兩晚之前，我拍架車去遠少少，慳返幾十蚊一個月，諗住挽埋啲餸菜返屋企，兩隻手都揸住嘢，再拉佢，點知佢走來走去，我一唔覺意，踏親佢隻腳仔喇，今朝佢自己扯左啲
bandage 去，又好似無事，好返喇
妳小心飲食，唔好咁為食喇，身體緊要呀大編輯！
A. 在 L.A.
